மிக உயர்ந்த ஆன்மீகக் கட்டுப்பாடு என்பது இறைவனின் ஆணைகளை இம்மியும் தவறாது பின்பற்றுவதே ஆகும். பல வருடங்களாக செய்யப் பட்ட தீவிரப் பயிற்சி ஒரு ராணுவ வீரனை உருவாக்கி, போரின் அனைத்து கடினங்களையும் அவர் தாங்க முடியுமாறு செய்கிறது. ஒரு தலை சிறந்த போராளி ஒரு நாளில் உருவாக்கப் படுவதில்லை.அவனுக்கு என்று விதிக்கப் பட்ட கட்டுப் பாடுகள்,விதி முறைகள், கடுமையான பயிற்சிகள் மற்றும் உத்திகள், நீண்ட காலம் பயிலப் படுகின்றன.அதைப் போலவே,வாழ்க்கையில் வெற்றிகளை அடையக் கூடிய ஆன்மீக சாதகனையும் ஒரே நாளில் உருவாக்க இயலாது !இதைப் புரிந்து கொண்டு, இந்த வாழ்க்கை எனும் வாய்ப்பைக் கெட்டியாகப் பற்றிக் கொள்ளுங்கள்;அதை முழுமையாகப் பயன் படுத்திக் கொள்ளுங்கள். நீங்கள் ,இந்தப் பிறவியில் இல்லா விடினும்,அடுத்த பத்துப் பிறவிகளிலாவது, இறைவனுடன் ஒன்றரக் கலந்தே ஆக வேண்டும். எனவே, இந்த வாய்ப்பினை நழுவ விட்டு விடாது, இன்றிலிருந்து, மனமார இறைவனது அருளைப் பெறுவதற்குப் பாடுபடுங்கள்.கருணையே உருவான இறைவன், உங்களது ஆன்மீக சாதனைகளின் பரிசாக அவனது அருளை அளித்திடுவான்.