இந்த உடல் ஜீவன் என்ற தலைவனின் ரதம் போன்றது.அனைத்து ஜீவராசிகளிலும் மனிதப் பிறவி மகத்துவம் நிறைந்த, விலை மதிப்பற்ற ஒரு வாய்ப்பாகும். மனித உடல்,பற்றுதல் மற்றும் அஹங்காரம் என்ற எதிரிகளை எதிர்த்து வெற்றிகரமாக ஒருவர் போராடுவதற்கான கோட்டை போன்றது. மாற்றம் மற்றும் சந்தர்ப்பங்களின் சாகரத்தை ஒருவர் கடப்பதற்கான தோணி போன்றது இந்த உடல். இடையறாத ஆன்மீக சாதனை மூலம், ஒருவருள்ளேயே தனது உண்மை நிலையை உணருவது என்பது, ஒரு கடினமான, ஆபத்துக்களும், பேரிடர்களும் கொண்ட, நெருப்புடன் விளையாடுவது அல்லது கொடிய மிருகங்களும் போராடுவதற்கு நிகரான ஒரு சவாலாகும். உபநிடதங்கள் ஆன்மீக சாதகனின் பாதையை ஒரு கத்தி முனைக்கு ஒப்பிடுகின்றன. ஒருவர் கவனத்துடனும், விழிப்புடனும் அனைத்து நெருக்கடிகளையும் எதிர்கொள்வதற்கான முழுமையான பயிற்சி பெற்றும் இருத்தல் வேண்டும். மனிதப் பிறவி என்ற இந்த அரிய வாய்ப்பினைப் பயன்படுத்தி,உங்களுக்குப் பரிசாகக் கொடுக்கப் பட்டுள்ள புத்தி, பகுத்தறிவு மற்றும் பற்றின்மை ஆகியவற்றின் துணை கொண்டு,அனைத்திற்கும் மேல் எழுந்து , உங்களது இறுதியான உண்மை நிலையை உணருங்கள்.