ஒருவர் ஆழ்ந்த பற்றின்மையை வளர்த்துக் கொள்ள வேண்டும்.ஒரு சொற்பொழிவையோ அல்லது உங்கள் காதுக்கு எட்டுமாறு செய்யப் பட்ட ஒரு மத நூல் விளக்கத்தையோ கேட்டு விட்டு,நீங்கள் அடிமையாகி உள்ள ஒரு பானத்தையோ அல்லது உணவையோ விட்டு விடுவதால் எந்தப் பயனும் இல்லை. உங்களை இறைவனிடமிருந்து விலக்கி வைக்கும் அனைத்திலிருந்தும், உங்களை விடுவித்துக் கொள்ளுங்கள்.அதிக நேரத்தை தியானத்தில் அல்லது நாமஸ்மரணையில் செலவிடுங்கள்;ஏனெனில்,சாந்தி , சந்தோஷங்கள் வெளி உலகில் காணப்பட மாட்டா;அவை ஒவ்வொருவர் உள்ளும் புதைந்து கிடக்கும் பொக்கிஷங்கள் ஆகும்.அவற்றை ஒருமுறை கண்டு கொண்டு விட்டால்,ஒருவர் ஒருபோதும் துக்கமோ,கலக்கமோ அடைய மாட்டார். ஒவ்வொரு உள் மூச்சுடனும் இறை நாமத்தைக் கூறுங்கள். ஒவ்வொரு வெளி மூச்சுடனும் இறை நாமத்தைக் கூறுங்கள். உங்கள் வாழ்க்கையின் இந்த அற்புதமான, விலைமதிப்பற்ற வாய்ப்பினை முழுவதுமாகப் பயன்படுத்திக் கொள்ளுங்கள். இறைவனில், இறைவனுக்காக, இறைவனுடன் வாழுங்கள்.