மூன்று மீன்கள் ஒரு குளத்தில் வசித்து வந்தன. ஒரு மீன் ,மற்ற இரண்டிடம், தண்ணீர் வற்றிவிடும் போல இருக்கிறது; காலம் கடந்து விடும் முன்,அவர்கள் அங்கிருந்து சென்று விட வேண்டும் என்று கூறியது. முதல் மீன் உடனே குளத்தை விட்டுச் சென்று விட முடிவு எடுத்தது,இரண்டாவது மீன், பிரச்சனை வரும்போது ,தன்னைக் காப்பாற்றிக் கொள்ள முடியும் என்றது; மூன்றாவது மீனோ அதை உதாசீனப் படுத்தியது. நாளடைவில் அந்த இரண்டாவது ,மூன்றாவது மீன்கள் ஒரு மீனவனால் பிடிக்கப் பட்டு விட்டன. இரண்டாவது மீன் எப்படியோ அந்த வலையிலிருந்து வெளி வந்து ,தப்பிக் கொண்டது; மூன்றாவது மீனோ தனது தலைவிதிப்படி நடக்கட்டும் என்று இருந்து விட்டது. இறப்பின் கடவுளான யமனே அந்த மீனவன்;ஒருவரது வாழ்நாள் என்ற குளம் உள்ளாகும் வரட்சியைப் பற்றி முன்பே கவனிக்காவிடில், ஒருவர் பிடிபட்டுப் போகிறார். வரட்சியே ஆகாத இறை அருள் என்ற சமுத்திரத்திற்கு மாறி விடுங்கள்; அல்லது இறப்பு என்ற வலையிலிருந்து தப்பித்துக் கொள்ளும் கலையைக் கற்றுக் கொள்ளுங்கள். சோம்பலையும், அதிக உறக்கத்தையும் விடுத்து, வெறித் தனத்தைக் கண்டனம் செய்து, உங்களை இறைவனின் ஆத்மார்த்த சேவகனாக ஆக்கிக் கொள்ளுங்கள். பின்னர் அனைத்துத் திறன்களும்,ஆனந்தமும்,அருளும் உங்கள் மீது பொழியப் படும்.