ஆழ்ந்த நிசப்தத்தில் தான் இறைவனது இருக்கையை உணர முடியும். சந்தையின் பதட்டம் ,கூச்சல், மற்றும் குழப்பத்தில் அவனது மென்மையான காலடிச் சுவடுகளின் ஓசையை நீங்கள் கேட்க முடியாது.அனைத்தும் நிசப்தத்தில் ஆழ்ந்திருக்கும் போது அவன் தெளிவாக எதிரொலிக்கிறான். எனவே தான் நான், நிசப்தம்,மென்மையான பேச்சு மற்றும் குறைந்த ஓசை ஆகியவற்றை வலியுறுத்துகிறேன். குறைவாகப் பேசுங்கள் ; இனிமையாகவும், உண்மையாகவும், மெல்லிய குரலிலும் பேசுங்கள். நீங்கள் பளுவான ஒன்றை கீழே வைக்க வேண்டும் என்றால்,அதை கவனமாக வையுங்கள்;தடாலென்று கீழே போட்டு,உங்களைச் சுற்றி பெரிய சப்தத்தை உண்டாக்காதீர்கள்.சிறிது குனிந்து, மெதுவாகவும்,மிருதுவாகவும் தரையில் கவனத்துடன் வையுங்கள். அதைப் போலவே , உங்களது ஒவ்வொரு செயலையும் ஆராய்ந்து, அவற்றை மெதுவாகவும் ,நிசப்தமாகவும் ஆற்றுவதில் கவனம் செலுத்துங்கள். அனைத்து காரியங்களையும் குறைந்த அளவு பேச்சுடன் ஆற்றி, சத்தத்தைக் குறையுங்கள். தொலைவில் நின்று கொண்டிருப்பவர்களை உரக்கக் கத்திக் கூப்பிடாதீர்கள்; அவர்கள் அருகில் செல்லுங்கள் அல்லது அவர்களை சைகையால் அழையுங்கள். எவ்வாறு நிலம் மற்றும் நீரின் புனிதத்துவத்தை அவமதிக்குமாறு பயன்படுத்தும் செயல்கள் உள்ளனவோ,அவ்வாறே உரத்த இரைச்சல் ஆகாயத்தின் புனிதத்துவத்தை அவமதிப்பதாகும்.