ஸ்ரீமத் பகவத் கீதையில்,''இறைவன் அனைத்து ஜீவராசிகளின் இதயங்களிலும் உள்ளான் '' என்கிறார் பகவான் ஸ்ரீகிருஷ்ணர். அவன் ஏதோ தனிப்பட்ட முறையில் அமர்நாத்,காசி,திருப்பதி,கேதார் அல்லது கோகர்ணாவில் மட்டும் தான் காணப்படுகிறான் என்று கிடையாது. எவ்வாறு, கடலின் ஒவ்வொரு நீர்த்துளியும், உப்பின் சுவை,சேர்க்கை மற்றும் கடலின் பெயரைக் கொண்டுள்ளதோ, அதே போல ஒவ்வொரு தனித்தனி ஜீவராசியும் அதே தெய்வீகச் சுவை,சேர்க்கை மற்றும் இறைவனின் நாமத்தைக் கொண்டுள்ளது. இதை நீங்கள் தான் தெளிவாகப் புரிந்து கொள்வதில்லை.நதி, கடலில் ஸங்கமிப்பதன் மூலம் தன்னை உணர்கிறது ;மனிதனும் இறைவனுடன் ஒன்றரக் கலப்பதன் மூலம் தன்னை உணர்கிறான். குடத்தினுள் இருக்கும் ஆகாயம்,இந்த பிரபஞ்சமனைத்தையும் வியாபித்திருக்கும் ஆகாயத்துடன் ஒன்றரக் கலக்க வேண்டும். மாயையினால் சூழப்பட்ட மனதால், வெறும் செயற்கையாக உருவாக்கப் பட்ட பற்றுதல்களை மறுப்பதன் மூலம்,இதை அடைய முடியும். இப்போது உங்களுக்குத் திருப்தி அளிக்கும், தாழ்ந்த நிலையான மனிதத்துவம், உங்களது உண்மை நிலையான மாதவத்துவத்திற்கு இடம் அளிக்க வேண்டும்.