ஆகாயம்,காற்று,நெருப்பு,நீர் மற்றும் நிலம் என்ற பஞ்ச பூதங்களாக, தெய்வீகம் முடிவின்றி தன்னை வெளிப்படுத்துகிறது. இந்தப் படைப்பு அனைத்தும்,இவற்றில் இரண்டு அல்லது அதற்கு அதிகமானவை, பலப்பல விகிதாசாரத்தில் இணைந்து உருவானவையே. இவற்றின் தன்மைகளான ஒலி,ஸ்பரிசம்,உருவம்,சுவை மற்றும் மணம் ஆகியவை முறையே செவி,சருமம்,கண்,நாக்கு மற்றும் மூக்கின் மூலம் உணரப்படுகின்றன. இந்த பஞ்ச பூதங்கள் இயற்கையில் ஏராளமாக உள்ளன;அவை விலை மதிப்பற்றவை மேலும் தெய்வீக சக்தி வாய்ந்தவை. எனவே, அவற்றை மிதமாகவும், கண்ணியத்துடனும்,பணிவுடனும்,நன்றி உணர்வோடும் பயன்படுத்துங்கள். எவ்வாறு தேவைக்கு அதிகமாக அல்லது குறைவாக நீர் அருந்துவது சித்திரவதையாகிறதோ, அளவின்றியோ அல்லது முறையற்றோ இவற்றை பயன்படுத்துவது உங்களது நலனுக்கு ஊறு விளைவிக்கும்.அதிகமாகக் காற்றை சுவாசித்தால் மூச்சுத் திணறுகிறது.மிதமான நெருப்பு,இளஞ்சூடாக்கி அல்லது உஷ்ணப் படுத்தி உருக்க உதவும்;ஆனால் ஒரு அளவிற்கு மேல் அதுவே பேரழிவு ஆகிவிடும். அதிகமாக ஒலியைப் பயன்படுத்துவது கூட மனிதர்களைக் குழப்பி ,பித்துப் பிடிக்க வைத்து விடும். எனவே,இயற்கை வளங்களை புத்திசாலித்தனமாகவும்,மிதமாகவும் , சமுதாயத்தில் உள்ள அனைவருக்கும் அன்புடன் சேவை ஆற்றும் நோக்கத்துடனும், உபயோகிக்கக் கற்றுக் கொள்ளுங்கள்.