வருங்காலத்தில் மக்கள் உங்களை மகிழ்ச்சியுடனும்,நன்றியுடனும் நினைவு கூறத் தக்க வகையில் வாழ்க்கை நடத்துங்கள். நல் வாழ்க்கை நடத்துவதற்கு உங்களுள் உறையும் இறைவனது இடையறாத தூண்டுதல் மிகவும் உதவியாக இருக்கும். இடையறாது இறை நாமஸ்மரணை செய்து, உள்ளுறையும் தெய்வீக ஊற்றினை தருவிப்பதன் மூலமே அத்தகைய உத்வேகத்தைப் பெற முடியும். இறை நாமமே அவனது அருளைப் பெறுவதற்கும்,அவனது இருப்பை உணர்வதற்கும், அவனை உருவகப் படுத்துவதற்கும், அவனது மேன்மையை நினைவு கூறுவதற்குமான விலைமதிக்க முடியாத ஒரு கருவியாகும். இதயத்தின் ஆழத்திலிருந்து காலையில் ஒரு முறை , மாலையில் ஒருமுறை மட்டுமே, அவனது நாமத்தைத் திரும்பக் கூறினால் கூட,அது உங்களது வீட்டை, இருட்டுக் குகையாக( குகை ) அல்லாது,இல்லமாக ( க்ருஹம்) ஆக்கி விடும். புலன்கள் ஜன்னல்கள் போன்றவை; அவற்றைத் திறந்து வைத்தால் இறைநாமம் என்ற தீபத்தை தள்ளாடச் செய்து விடும். எதிர்மறையான தாக்கங்களிலிருந்து உங்களது புலன்களை அப்புறப் படுத்தி வைத்து, இறைநாமம்,அதன் அழகு மற்றும் இனிமையில் மனதை நிலை கொள்ளச் செய்யுங்கள்.