எவ்வாறு உடல் நீங்கள் வசிக்கும் வீடு போன்றதோ,அவ்வாறே இந்த பிரபஞ்சமும் இறைவனின் உடலாகும்.உங்கள் கால் சுண்டு விரலில் ஒரு சிறு எறும்பு கடித்தவுடனேயே, உங்களது முழு கவனமும் நொடிப் பொழுதில் அந்த இடத்திற்கு ஈர்க்கப் படுகிறது; நீங்கள் அந்த வலிக்கு எதிராக செயல்படும் விதத்தில்,அந்த சிறிய எதிரியை உடனடியாக நீக்க முற்படுகிறீர்கள்.அதைப் போலவே,உங்களைச் சுற்றியுள்ள மக்களின் துன்பத்தை நீங்கள் உணர்தல் வேண்டும். நீங்கள் சௌகரியமாக வாழ்வதற்கு உதவும் இந்த சமுதாயத்திற்கு, நீங்கள் என்ன நன்மை செய்திருக்கிறீர்கள் என்பதை ஒரு கணம் சிந்தித்துப் பாருங்கள். பலனற்ற பாதைகளில் உங்கள் திறமைகளை வீணடிக்காதீர்கள். நீங்கள் மற்றவர்களுக்கு ஒரு சுமையாகவோ அல்லது உங்களுக்கே நீங்கள் எதிரியாகவோ இருக்கக் கூடாது. உங்கள் திறன் மற்றும் வசதிகளுக்கு ஏற்ப, உங்கள் பரிவை, தேவையில் வாடும் பிறரின் மீதும் பரவச் செய்து அவர்களுக்கு சேவை ஆற்றுங்கள். உங்கள் உற்றார் உறவினரிடம் கனிவுடன் இருங்கள்.