"தேஹோ தேவாலயா " - உடலே ஆலயம் என வேதங்கள் நமக்கு போதிக்கின்றன. மனித உடல் தசைகளாலும்,எலும்பாலும் ஆன ஒரு வெறும் பிண்டம் அல்ல என்பதைப் புரிந்து கொள்ளுங்கள். மனித உடல் பகுத்தறிவும், உணர்வுகளும் கொண்டு, துக்கத்திலிருந்தும்,தீயவற்றிலிருந்தும் விடுதலை அளிக்க வல்ல ஒரு புனிதமான கருவி ; பல பிறவிகளில் ஆற்றிய கடும் உழைப்பிற்குப் பிறகு நீங்கள் ஈட்டிய ஒன்றாகும். அதை அவ்வாறே போற்றி, உயர்ந்த குறிக்கோளுக்குப் பயன் தரும் வண்ணம் அதை நல்ல நிலையில் வைத்திருக்க வேண்டும். செங்கற்களால் ஆன உங்கள் வீடுகளைக் காட்டிலும் மேலாக அதைப் பராமரித்து, அது ஒரு கருவி மட்டுமே, அதை விட மேலானதல்ல என்ற உணர்வை,ஒரு போதும் விட்டு விடாதிருங்கள். எந்தக் குறிக்கோளுக்காக அது வடிவமைக்கப் பட்டு அளிக்கப்பட்டுள்ளதோ,அதற்காக மட்டும் பயன்படுத்துங்கள். இறைவனை உங்கள் இதய மேடையில் ஸ்தாபனம் செய்து, அவரை அதற்குள் அழையுங்கள். ஆவலுடன் நாடும் தூய இதயங்களில் இருக்கை கொள்ள இறைவன் விரும்புகிறான்.