நற்செயல்களிலும்,நல்லெண்ணங்களிலும்,நல்லோரின் நட்பு வட்டத்திலும் மட்டுமே ஈடுபடுவோம் என இன்று உறுதி எடுத்துக் கொள்ளுங்கள்.உயர் நிலைக்கு இட்டுச் செல்லும் எண்ணங்களில் உங்கள் மனம் நிலை கொள்ளட்டும். உங்களது நேரத்தில் ஒரு கணத்தைக் கூட வெட்டிப் பேச்சுகளிலும், வீணாக தற்பெருமை கொள்வதிலும், கீழ்த்தரமான களியாட்டங்களிலும் செலவிடாதீர்கள். சாவு உங்கள் பின்னால்,உங்களைப் பிடித்துத் தூக்கிச் செல்வதற்குக் குறிவைத்துக் காத்துக் கொண்டு இருக்கிறது. அமெரிக்க அதிபர் கென்னடியை எடுத்துக் கொள்ளுங்கள் - சரியான நேரத்திற்காக எப்படி சாவு காத்துக் கொண்டு இருந்தது? அவரது பாதுகாப்பிற்கு பலம் வாய்ந்த ராணுவ வீரர்களும்,பாதுகாப்பாளர்களும் இருக்கவில்லையா?அனைத்தும் வீணாகப் போய் விட்டது. எந்தப் பாதுகாப்பாளரும், கருவியும் சாவு நிகழ்வதிலிருந்து தடுக்க முடியாது. எனவே, உயிருள்ளபோதே, நற்பணிகளை ஆற்றுங்கள்,மிருதுவாகவும் இனிமையாகவும் பேசுங்கள். ஒரு போதும் பிறரைப் புண்படுத்தவோ, நிந்திக்கவோ செய்யாதீர்கள், தேவைப் படுவோருக்கு உதவி செய்யுங்கள்;இறைவனது உருவத்தை மனக்கண் முன் எப்போதும் வைத்திருங்கள்.