நான் உங்களிடம் வேண்டுவதெல்லாம், நீங்கள் சகமனிதர்களை நேசிக்க வேண்டும், அவர்களது துன்பத்தைப் பகிர்ந்து கொள்ள வேண்டும்,மேலும் அவர்களுக்கு சேவை ஆற்ற வேண்டும் என்பது மட்டும் தான்.செல்வந்தர்களுக்கும்,உயர்பதவிகளில் இருப்பவர்களுக்கும் நிறைய வேலைக்காரர்கள் இருக்கிறார்கள். ஆனால் ஏழை, எளியவர்களுக்கும் ,துன்பப்படுவோருக்கும் சேவை செய்ய ஒருவரும் இல்லை.இப்படிப் பட்டவர்களிடம் சென்று, அவர்களது நண்பர்களாக,உறவினர்களாக,அவர்களது நெருங்கிய நலம் நாடுபவர்களாக இருங்கள். அவர்கள் உங்களை அவ்வாறாகவே வரவேற்கட்டும். பசியால் வாடுவோரின் காதுகளில் நீங்கள் ஆன்மீகத்தை ஊற்றினால் அது தங்காது. முதலில் பசியைப் போக்குங்கள்.உணவு மற்றும் உடை உருவத்தில் அவர்களுக்கு இறைவனை அளியுங்கள். இறைவனை,கவலையால் வாடுவோருக்கு சாந்தியின் மூலமும், நோயால் வாடுவோருக்கு மருந்தின் மூலமும் அளியுங்கள். பயம்,துன்பம்,துயரம் ஆகியவற்றைப் போக்கவல்லவைகளை இறைவனின் வடிவமாக அளியுங்கள். இதைச் செய்தால் மட்டுமே ஆன்மீகம் அவர்களது இதயங்களில் திளைத்து நிற்கும்.