செல்வத்தினால் நீங்கள் பெறும் மகிழ்ச்சியை விட, நல்லொழுக்கத்தினால் ஒருவர் பெறும் மகிழ்ச்சி உயர்ந்தது.துரதிருஷ்ட வசமாக படித்த பல இளைஞர்கள்,இன்று செல்வம், உடல்திறன் மற்றும் நட்புகளுக்காகப் பாடுபடுகின்றனர். ஆனால், நல்லொழுக்கம் என்ற செல்வம் இன்றி இவை அனைத்தும் மதிப்பற்றவை. ஆடவர்,பெண்டிர் இருவருக்கும் நல்லொழுக்கமே ஆதாரம்.உங்களிடம் நல்லொழுக்கம் இல்லை என்றால்,நீங்கள் மற்ற அனைத்து அம்சங்களிலும் பலஹீனமானவர்களாகி விடுவீர்கள். ஒருவரது திறன் இவரது ஒழுக்கத்தில் இருக்கிறதே அன்றி, அவர் ஈட்டும் செல்வத்தில் இல்லை என்பதைப் புரிந்து கொள்ளுங்கள். நமது இன்றைய தேவை பொருட் செல்வம் அல்ல. செல்வம் உண்மையான மகிழ்ச்சியை ஒரு போதும் தர முடியாது. எனவே,நன்னடத்தைகளின் மூலம் நல்லொழுக்கம் என்ற செல்வத்தை ஈட்டுங்கள். நன்னடத்தை இன்றி,அனைத்து கல்வியும் இன்றோ,நாளையோ வீணற்றதாகி விடும். அன்பின் வடிவங்களே ! நல்லொழுக்கம் மற்றும் தூய இதயத்துடன் அனைத்துப் பணிகளையும் ஆற்றுங்கள்.தூய இதயத்துடன் செய்யப் படும் சிறிய செயல் கூட பயனுள்ளதாகி விடும் என்பதைப் புரிந்து கொள்ளுங்கள்.