ஒரு முதியவர் அவர் நடந்து செல்ல இருக்கும் பாதையில் ,ஒரு நல்ல பாம்பு இருக்கிறது என எச்சரிக்கப் பட்டார். ஆனால் அவர் தான் அதை ஒருபோதும் பார்த்ததில்லை எனக் கூறி, அதை நம்பவில்லை. துரதிருஷ்டவசமாக அது அவரைக் கடித்த பின்னரே அவர் அதை நம்பினார். ஆனால்,காலம் கடந்து விட்டதால்,அவருக்கு முன்பு கிடைத்த செய்தியால் அவர் பயனடைய முடியாமல் போய்விட்டது. பல தலைவர்களும்,தனி முயற்சிகளுக்கு எல்லாம் அப்பாற்பட்டு,வாழ்க்கையின் நிகழ்வுகளை உருவாக்கும் விதி என்று ஒன்று இருக்கிறது என்பதை ஒத்துக் கொண்டுதான் ஆக வேண்டி உள்ளது. ஒவ்வொருவரும் முன்னரோ,பின்னரோ,அதே முடிவிற்குத் தான் வந்தாக வேண்டும், ஏனெனில் உலக நிகழ்வுகளைக் கட்டுப்படுத்துவதில் தனி மனிதத் திறன்களுக்கு ஒரு வரம்பு உள்ளது. அதற்கு மேல், கண்ணுக்கு புலன்படாத ஒரு கை நிகழ்வுகளின் சக்கரத்தை இயக்குகிறது. ஒருவர் அதை விதி என்றும்,மற்றொருவர் அதைத் தலை எழுத்து என்றும் ,மூன்றாமவர் அதைக் கடவுள் என்றும் கூறலாம்- பெயர்கள் முக்கியமல்ல. உங்களது பணிவு, தெய்வீகத்தின் மாட்சிமை மற்றும் மகத்துவத்தைக் கண்டு மலைத்து நிற்கும் உங்கள் திறன் ஆகியவையே முக்கியமானவை.