அவளது குழந்தைகளின் எதிர்காலத்தை உருவாக்குவதில்,ஒரு தாயின் போதனைகள்,ஒரு இன்றிமையாத பங்கை வகிக்கின்றன.அவள், தீய குணங்களை விரட்டி,அவர்களுக்கு மனிதப் பண்புகளை புகட்டுவதற்கான எல்லா முயற்சிகளையும் மேற்கொள்ள வேண்டும். அன்பின் வடிவங்களே! முன்னுதாரணமாக விளங்கும் வாழ்க்கையை நடத்துங்கள். எதிர்மறையான எண்ணங்களை விடுத்து,புனிதமான எண்ணங்களை வளர்த்துக் கொள்ளுங்கள். இதமாகவும், இனிமையாகவும் பேசுங்கள். ஒருபோதும் கடுமையான வார்த்தைகளால் பிறரது உணர்வுகளைப் புண்படுத்தாதீர்கள். உங்கள் குடும்பத்தை அக்கறையுடன் பேணிக் காத்து,இங்கிதமாக நடந்து கொள்ளுங்கள். உங்களது விருந்தினர்களை உள்ளன்போடு உபசரியுங்கள்; முடிந்த அளவு,தேவைப் படுபவர்களுக்கு உங்களால் இயன்ற உதவியைச் செய்யுங்கள். துன்பப் படுவோரைப் புரிந்து கொள்ளுங்கள். இதமான வார்த்தைகளினால் அவர்களுக்கு ஆறுதல் அளித்து அமைதிப்படுத்த நீங்கள் முயல வேண்டும். எவர் ஒருவர் பிறரது உணர்வுகளைப் புண்படுத்துகிறாரோ, அவர் இரட்டிப்பு மடங்கு துயரப்படுவார் என்பதைப் புரிந்து கொள்ளுங்கள். எவரும் தங்களது செயல்களின் விளைவுகளிலிருந்து தப்ப முடியாது. எனவே,எப்போதும் உதவுவது,ஒருபோதும் தீங்கிழைக்காதிருப்பது என்பதன் மூலம் உங்களது நடத்தையைச் செம்மைப் படுத்தி, உங்களது வாழ்க்கையினை புனிதப் படுத்திக் கொள்ளுங்கள்.