சந்தோஷமான செய்திகளைக் கேட்கும் போது இதயம் பூரிக்கிறது. ஆனால் எப்போது நாம் துயரமான செய்தியைக் கேட்கிறோமோ,அப்போது இதயம் துக்கத்தால் சுருங்கி விடுகிறது.அதைப் போலவே,உங்களைப் பற்றிய கடுமையான வார்த்தைகளை காதுகள் கேட்கும் போது,இதயம் கோபம் கொள்கிறது; உங்களைப் பற்றிப் புகழும் வார்த்தைகளைக் கேட்டால் மகிழ்ச்சி அடைகிறது. இவை அனைத்துமே ஒரே காதுகளால் கேட்கப் பட்டாலும் கூட, இப்படிப்பட்ட மாறுபட்ட எதிர் உணர்வுகளுக்கு எது காரணம்? காதுகள் ஜடமானவை, அவைகளாகவே எந்த எதிர் செயல்களும் செய்ய இயலாதவை. சந்தோஷமான அல்லது துக்கமான எதிர் உணர்வுகள், காதுகளால் அனுப்பப் பட்ட செய்திகளுக்குச் சம்பந்தப் பட்டவை. இப்படி இருக்கும் போது, உங்களையே நீங்கள் கேட்டுக் கொள்ளுங்கள் -புலன்களின் செயல் பாடுகளை எப்படி சத்தியமானதாகக் கருத முடியும்? புலன்களே நம்பிக்கைக்குப் பாத்திரமற்றவைகளாக இருக்கும்போது,அவைகளின் அனுபவங்களும், எதிர்செயல்களும் அதே அளவு நம்பத் தக்கவையே அல்ல. இவ்வாறாக ஆராய்ந்தால், ஒருவர் துயரத்தை வெல்ல முடியும்.