'' அனைவரையும் நேசி,அனைவருக்கும் சேவை செய்'' என்பதன் முதல் படி, உங்களது இல்லங்களில் அன்பைப் பரப்புவதே ஆகும் .வாழ,கற்றுக் கொள்ள இந்த வாய்ப்பை அளித்த, உங்களது பெற்றோரை நீங்கள் மதித்து அவர்களை மகிழ்விக்க வேண்டும் .அவர்களை கொடுமைப் படுத்தி,அவர்களது மனங்களைக் காயப்படுத்துவீர்களானால்,பிறரது இதயங்களை சேவை மற்றும் பரிவின் மூலம் நீங்கள் எவ்வாறு மகிழ்விக்க முடியும் ? பலூன் வெடித்தால், அது உடைந்து,அதில் உள்ள காற்று வெளியில் உள்ள பரந்து விரிந்த ஆகாயத்துடன் கலந்து விடுகிறது.அதைப் போலவே உங்களது அன்பு,உங்கள் இல்லங்களில் நிரம்பி,பின்னர் நீங்கள் வாழும் சமுதாயத்தை நிரப்பி, இறுதியாக விரிந்து இந்த பிரபஞ்சம் முழுவதிலும் பரவ வேண்டும். உள்ளங் கையில் வைத்துள்ள ஒரு துளி நீர் விரைவில் ஆவியாகி விடுகிறது; ஆனால்,அதைக் கடலில் ஊற்றி விட்டால்,அந்தப் பரந்த விரிந்த கடலின் ஒரு அங்கமாகி விடுகிறது. அது அந்த கடலின் நாமம்,சுவை,மஹிமை மற்றும் மஹத்துவத்தைப் பெற்று விடுகிறது.அன்பை வளர்த்துக் கொள்ளுங்கள்; அன்பின் விதைகளை அனைத்து இதயங்களிலும்,உங்களைச் சுற்றியுள்ள எல்லா இடங்களிலும் இட்டு விடுங்கள். அதுவே எனது விருப்பமும், குறிக்கோளும் ஆகும் !