உலகியலான இன்பங்கள் அனைத்தும் நிலையற்றவை,தாற்காலிகமானவை. அவை பெரும்பாலும் துன்பத்திலும்,ஏமாற்றத்திலும் முடிகின்றன.நீங்கள் இழப்பு,மன அழுத்தம் மற்றும் குழப்பத்தையே பெரும்பாலும் அனுபவிக்கின்றீர்கள்; மனத்திருப்தி இருப்பதில்லை. மனத்திருப்தி இன்மையே உண்மையான இழப்பு என்பதைப் புரிந்து கொள்ளுங்கள்.ஆசைகளுக்கு எல்லையே இல்லை.ஒருவருக்குப் பசிக்கிறது, மற்றொருவருக்கு தாகம் எடுக்கிறது.தாகம் எடுப்பவருக்குத் தண்ணீர் கொடுத்தால்,அவர் திருப்தி இன்றி குளிர்பானம் கேட்கிறார். அவருக்குக் குளிர்பானம் கொடுத்தால் அடுத்து ஐஸ்க்ரீம் கேட்கிறார்,இப்படியே நீண்டு கொண்டு போகிறது. அவருக்கு எதிலும் திருப்தி இருப்பதில்லை.உலகியலான பொருட்களின் மீது கொள்கின்ற ஆசைகளுக்கு அளவே இல்லை என்பதை உணருங்கள்.இந்த ஆசைகளை விட்டொழிக்க வேண்டும் என்றால், ஒருவர் மனதை இறைவன் பால் திருப்ப வேண்டும்.மனிதப் பிறவியின் நோக்கமே தன்னுள் உறையும் தெய்வீகத்தை உணர்வதே.அதுவே நிலையான திருப்தியும்,நிரந்தர ஆனந்தமும் அடையும் வழியாகும்.இறைவன் மட்டுமே நிரந்தரமான ஆனந்தத்தின் மூலமாவான்.