தெய்வீக ஒளிக்கீற்றின் பெட்டகமான உங்கள் உடலை,'' தன்னை உணர்தல்'' என்ற குறிக்கோளை அடையும் வரை பேணிக் காக்க வேண்டும்.ஆனால் , மனதைத் தூய்மையாக்கி, செம்மைப் படுத்துவதில் செலுத்த வேண்டிய கவனத்தை விட, உடலின் போஷாக்கு மற்றும் பேணுதல் அதிக முக்கியத்துவம் பெறக்கூடாது. இப்போது உடல் காலைச் சிற்றுண்டி,மதியம் உணவு, மாலை 4 மணிக்கு நொறுக்குத் தீனி,மற்றும் இரவில் சாப்பாடு எனப் பேணப் படுகிறது. உடல் வண்டி என்றால் ,மனம் அதை இழுக்கும் குதிரை போன்றது. துரதிருஷ்ட வசமாக,இந்த இரண்டில் பிரதானமான குதிரைக்கு ஒரு உணவும் அளிக்கப்படுவதில்லை.மனதிற்கும், அதைப் பண்படுத்துவதற்கும் உகந்த முக்கியத்துவத்தை அளித்தால் மட்டுமே வாழ்க்கை, வாழ்வதற்குத் தகுதியாகிறது. மனம் திண்மையுடனும், சாந்தி, சந்தோஷங்களுடனும், குழப்பங்கள் மற்றும் கவலைகள் இன்றியும் இருக்க வேண்டும். புனித நாமங்களை உச்சரிப்பதன் மூலமும்,அனைவரின் நல்வாழ்க்கைக்கு உதவும் சீரிய செயல்களை ஆற்றுவதன் மூலமும், நீங்கள் அதை மகிழ்ச்சியாக வைத்துக் கொள்ள முடியும்.இது உங்களுக்கு நிரந்தரமான ஆனந்தத்தை அளிக்கும்.