உரவகொண்டாவில் எனது தனித்துவத்தை அறிவித்த போது நான் அளித்த முதல் பாடம் '' மானஸ பஜரே குரு சரணம், துஸ்தர பவஸாகர தரணம்'' - அதாவது முதலில், பிறப்பு ,இறப்பு என்ற சுழற்சியைக் கொண்ட இந்த 'பவஸாகரம்' என்ற உலக வாழ்க்கை எனும் சமுத்திரத்தில் நீங்கள் இருக்கிறீர்கள் என்பதை அறிந்து கொள்ளுங்கள்; பின்னர் இதைக் கடந்தே தீருவேன் (தரணம்) என்ற ஸங்கல்பம் எடுத்துக் கொள்ளுங்கள்; பின்னர் குரு அல்லது உங்களுக்குப் பிடித்தமான இறை நாம,ரூபத்தில் உங்கள் மனதை நிலை கொள்ளச் செய்யுங்கள்; இறுதியாக அவனது மஹிமையை தியானித்து, உங்கள் முழு மனதையும் ஈடுபடுத்தி பஜனை செய்யுங்கள். ஓரளவே உண்மையான இந்த உலகமாயையில் மயங்குபவன் ஸம்ஸாரி. இது ஓரளவே உண்மை என உணர்ந்தவன் ஆன்மீக ஸாதகன்.