பாலில் வெண்ணெயும்,எள்ளில் எண்ணெயும்,கரும்பில் சர்க்கரையும் இருப்பது உண்மையே. ஆனால்,கையில் பாலை வைத்துக் கொண்டு இருப்பதால் மட்டும், உங்களுக்கு வெண்ணெய் கிடைக்காது;விளக்கை, எள்ளால் நிரப்புவதால் மட்டும் திரியை ஏற்ற முடியாது;கரும்பை அசைப்பதால் மட்டும், சர்க்கரை மழை பொழியாது. இனிப்புகளை ஒரு தட்டில் உங்கள் முன்னால் வைத்து விட்டு '' இனிப்புகள்,இனிப்புகள்...'' என்று 108 தடவை ஜபிப்பதால், உங்கள் நாவு அவற்றை சுவைக்க முடியாமா?அதைப் போலவை, நீங்கள் பல புனித நூல்களைப் படிக்கலாம், மந்திரங்களையும், ஸ்லாகங்களையும் உச்சாடனம் செய்யலாம்.கண்டிப்பாக இவற்றை செய்யும் நேரம் புனிதம் அடைகிறது. ஆனால்,இவை,நீங்கள் ஆற்றும் பணியை, இறைவன் ஏற்றுக் கொள்ளும் பிரசாதமாக மாற்றுவதற்கு உதவி புரியாது. நீங்கள் படித்ததில், ஜெபித்ததில் ஒரு சதவீதத்தையாவது நடைமுறையில் கொண்டு வந்திருக்கிறீர்களா? வெறும் படிப்பதும் ,பாடுவதும் உங்களுக்கு பிறப்பு,இறப்பு என்ற சுழற்சியிலிருந்து விடுதலை அளிக்காது. இறைவனை மனதில் உறுதியாக நிலை நிறுத்த வேண்டும்;அங்கிங்கெனாதபடி எங்கும் நிறைந்த இறைவனை இதயத்தில் வீற்றிருக்கச் செய்ய வேண்டும்;உங்களது ரத்த நாளங்களில் இறைவன் பெருக்கெடுத்து ஓட வேண்டும். இறைவனை அகக்கண்ணின் மூலம் காண வேண்டும் .