செயலாற்றுவதை ஒரு சுமையாகக் கருதக் கூடாது. உங்களது முன்னேற்றத்திற்கு உதவும் எந்த செயலும் உங்களுக்குப் பளுவாக இருக்காது. எப்போது உங்களது உள்ளார்ந்த இயல்பிற்கு எதிராக செயலாற்றுகிறீர்களோ, அப்போது தான் அதை ஒரு சுமையாகக் கருதுவீர்கள். உலகியலான ஆதாயங்களில் மட்டுமே கவனம் செலுத்தினீர்களானால்,உங்களது சாதனைகளை பின்னோக்கிப் பார்த்து,அவற்றின் பயனின்மையை எண்ணி நீங்களே பெருமூச்சுவிடும் காலம் ஒன்று வரும்.அதிக தாமதம் ஆவதற்கு முன் உங்கள் மனதை உங்கள் இறைவனுக்கு சேவை ஆற்றும் பணியில் ஈடுபடுத்துங்கள். அவன் எவ்வாறு விரும்புகிறானோ,அவ்வாறு அதை அவன் உருவாக்கட்டும்; உங்கள் மனமும் கட்டுக்குள் வரும். மிக அழகாக இருக்கும் ஒரு ஆபரணத்தை நீங்கள் பொற்கொல்லரிடம் கொடுக்க வேண்டிய அவசியம் இல்லை. அறுந்து போன மற்றும் நசுங்கியவற்றையும், பழைய பாணியில் உள்ளவற்றையும் தான் நீங்கள் அவரிடம் கொடுப்பீர்கள் ! அதைப் போலவே, முழுமையாக திருத்தி அமைக்கத் தேவையில்லா விட்டாலும், பழுது பார்க்கத் தேவை கொண்ட உங்கள் மனதை இறைவனிடம் விரும்பி அளியுங்கள்.