மனிதர்கள் உலகியலான பொருட்களினால் குருடர்களாகி,இந்த உலகம் உண்மையானது, அர்த்தமுள்ளது மற்றும் தேடிப் பெறுவதற்குத் தகுதியானது என நம்பி விடுகிறார்கள். கண்ணில் வளரும் புரை ,பார்வைத் திறனை கெடுத்து விடுகிறது.அஞ்ஞானமே அகக்கண்ணில் ஏற்படும் புரையாகும்.அது உண்மை திருஷ்ட்டியை மறைத்து, தெய்வீகமே அவர்களது உண்மை நிலை என்பதைக் காணமுடியாத அளவு, ஒருவரது புத்தியைக் குருடாக்கி விடுகிறது. அஞ்ஞானம் உங்களை ஏமாற்றி,நீங்கள் சாதாரண மனிதரே (மானவ) என நம்ப வைத்து விடுகிறது;ஆனால் உண்மையில் நீங்களே இறைவன் (மாதவ ). பார்வை சரியாக இல்லை எனில் கண்ணிருந்தும் என்ன பயன்? நீங்கள் பல காலமாக சொத்து,பதவி,குழந்தைகள்,உறவினர்கள்,புகழ் மற்றும் வாழ்க்கைத் தரம் ஆகியவற்றின் மீதே குறியாக இருந்து வந்திருக்கிறீர்கள்.இவை அனைத்தும் குறைந்த கவனம் செலுத்த வேண்டிய தாற்காலிகமான மதிப்பு கொண்டவை. உங்கள் உள்ளும், புறமும் வியாபித்துள்ள நித்ய (நிரந்தரமான ), சத்ய ( உண்மையான), நிர்மல ( களங்கமற்ற), நிஸ்சலமான ( நிலையான ) தெய்வீகத்தின் மீது உங்களது ஆர்வத்தை நிலை கொள்ளச் செய்யுங்கள்.