உங்களது அனுபவத்தில் நம்பிக்கை வையுங்கள்; உங்களுக்கு சாந்தி , சந்தோஷங்களை அளித்தவற்றை தைரியமாக ஏற்றுக் கொள்ளுங்கள்.இதுவே தெய்வநம்பிக்கையின் அடிப்படையாகும்.மேலும்,எங்கிருந்தெல்லாம் பெற முடியுமோ, அங்கிருந்தெல்லாம் ஞானத்தை முயன்று பெறுங்கள். பல தரப்பட்ட மதகுருமார்கள் விவரித்தவைகளில் உள்ள நல்ல விஷயங்களைக் கேளுங்கள். நீங்கள் கேட்ட போதனைகளை,உங்கள் அனுபவத்தோடு மனதில் சீர் தூக்கிப் பாருங்கள். கேட்டதற்குப் ( ஸ்ரவணம் ) பின், அதை ஆலோசனை ( மனனம் ) செய்து, ஊர்ஜிதப் படுத்திக் கொள்ள வேண்டும். உங்களுக்குக் கூறப்பட்டவைகளின் பின்னணி, உட்கருத்துக்கள், ஐயங்கள் மற்றும் வரையறைகள் ஆகியவற்றை நீங்கள் எண்ணிப் பார்க்க வேண்டும்.பின்னர் வருவது '' நிதித்யாஸனம் '' - அதாவது நீங்கள் பல வருடங்களாகப் பாடுபட்டு சேகரித்த சத்தியத்தை தியானம் செய்து, அந்த ஞானத்தை உங்கள் அந்தராத்மாவில் ஆழப் பதித்து அது உங்களது ஒரு அங்கமாகவே ஆகி விடுமாறு செய்யுங்கள்.