ஆன்மீகப் பாதையில் வருகின்ற தடைகளை, அதில் பயணம் செய்யும் சாதகர்கள் பெரும்பாலும் ஒருவித வெறுப்புடனேயே அணுகுகிறார்கள். ஆனால், இந்த சோதனைகளை பாதுகாப்பிற்கு உத்திரவாதம் அளிக்கும் சாதனங்களாகக் கொள்ள வேண்டும். நீங்கள் ஒரு படத்தை சுவரில் மாட்டுவதற்காக, ஒரு ஆணியை அடிக்கிறீர்கள்; ஆனால், ஆணியில் படத்தை மாட்டுவதற்கு முன் அது ஆழமாகப் பதிந்துள்ளதா என்பதை அறிந்து கொள்வதற்காக அதை ஆட்டிப் பார்க்கிறீர்கள்; எப்போது உங்கள் பலம் அனைத்தையும் பிரயோகித்து அதை ஆட்ட முயன்றாலும் அது ஒரு இம்மி கூட அசையாமல் இருக்கிறது என்பது உங்களுக்கு உறுதியாகிறதோ, அப்போது தான் அதில் அந்த படத்தை மாட்டலாம் என்ற நம்பிக்கை உங்களுக்கு உண்டாகிறது. சோதனைகளை நீங்கள் வரவேற்க வேண்டும்; ஏனெனில் அவையே உங்களுக்கு தன்னம்பிக்கையை ஊட்டி உயர்வினை உறுதி செய்கின்றன.