எல்லா நீரும் அருந்த உகந்ததல்ல.தேங்கி இருக்கும் குட்டையைத் தவிர்க்க வேண்டும், ஓடுகின்ற நதி சிறந்ததாகும். பாதுகாப்பான, சுத்தமான நீரைத் தேர்ந்தெடுத்து அருந்துங்கள். கொசுவலையைப் பயன் படுத்துங்கள்;ஆனால் படுக்கச் செல்லும் முன் கொசுக்கள் அந்த வலைக்குள் வந்து விடாமல் பார்த்துக் கொள்ளுங்கள். கொசுக்களைத் தள்ளி வையுங்கள்;அவற்றை வலைக்குள் சிறைப்பிடித்து வைத்துக் கொள்ளாதீர்கள். நீரில் மிதக்கும் படகில் பயணம் செய்யுங்கள், ஆனால் அந்த நீர் படகுக்குள் வந்து விட அனுமதிக்காதீர்கள்.அதைப் போன்றே உலக வாழ்க்கையில் இருங்கள் ஆனால், அது உங்களுள் புகுந்து விட அனுமதிக்காதீர்கள். சகதி மற்றும் சேற்றில் முளைக்கும் செந்தாமரை தண்ணீரை ஊடுருவி மேல் எழுந்து தலையை மேல் தூக்குகிறது. தண்ணீரே அதற்கு உயிர் ஊட்டும் ஒன்றாக இருந்த போதும், அதனால் நனைக்கப்பட மறுக்கிறது. அந்த செந்தாமரையைப் போல இருங்கள்.