கருணை உள்ளவனே மனிதருள் எல்லாம் சிறந்தவன்;மிகவும் ஆசீர்வதிக்கப் பட்ட நேரம் '' இப்போதே '' இந்த விநாடியே.; மிகச் சிறந்த செயல், பிறரது துன்பத்தையும், துயரத்தையும் துடைப்பதே. ; ஏதோ, அன்று வரை உங்களை அணுகமாட்டேன் என்று , சாவு உங்களுக்கு எழுதிக் கொடுத்திருப்பது போல்,நீங்கள் '' நாமஸ்மரணையை '' அடுத்த வியாழக்கிழமையிலிருந்து தொடங்க முடிவு செய்கிறீர்கள். இப்போதோ, இந்த நிமிடமோ அல்லது இன்றோ செய்ய முடிவதைத் தள்ளிப் போடாதீர்கள். உங்கள் குறிக்கோளை நோக்கி உங்கள் முயற்சிகளை மேற் கொள்ளுங்கள்.உங்கள் குறிக்கோள், நீங்கள் அதை நோக்கிச் செல்லுவதை விட அதிக வேகத்தில், உங்களை நோக்கி வரும். நீங்கள் உங்களைக் காப்பாற்றிக் கொள்வதில் காட்டும் ஆர்வத்தை விடவே, உங்களைக் காப்பதில் இறைவன் அதிக ஆர்வம் கொண்டுள்ளான். அவன் அன்பே வடிவானவன், பாதையில் தடுமாறும் அனைவர் மீதும் கருணை கொண்டவன். தனது ஒவ்வொரு பக்தனின் கோரிக்கைகளையும் இறைவன் நிறைவேற்றுகிறான்; அதனால் தான் அவன் '' பக்த அபீஷ்ட ப்ரதா '' என்ற திருநாமம் பெற்றுள்ளான்.