உங்கள் எண்ணங்கள் உடலைக் குறித்ததாகவே இருந்தால்,உண்மையான அல்லது கற்பனையான வலிகள் மற்றும் நோய்களைப் பற்றிய கவலைகள் உங்களைச் சூழ்ந்து கொள்ளும். அவை செல்வங்களைக் குறித்து இருந்தால், லாப, நஷ்டங்கள், வரிகள் மற்றும் வரி விலக்குகள் பற்றி நீங்கள் கவலைப் படுவீர்கள். அவை பெயர்,புகழ் ஆகியவற்றைச் சுற்றிக் கொண்டு இருந்தால், அவதூறு, வசைபாடு மற்றும் பொறாமைகளின் ஏற்ற இறக்கத்தால் அவதிப்படுவீர்கள். எனவே, அவற்றை, போற்றிப் பணிவதற்குத் தகுதியான, சக்தி மற்றும் அன்பின் உறைவிடமான, இறைநாமத்தைச் சூழ்ந்திருக்குமாறு செய்யுங்கள். உங்களது அனைத்தும் அதற்கு சரணாகதியாகட்டும். பின்னர், நீங்கள் ஸதாஸர்வகாலமும் ஆனந்தத்துடன் இருப்பீர்கள். இறைநாமமே,வேத கால முனிவர்களின் உயிர் மூச்சாக இருந்தது;இறைவனது மகிமையை தியானிப்பதால் கிடைக்கும் ஊட்டத்தைக் கொண்டு அவர்கள் வாழ்ந்தார்கள். இறைவன் அன்பின் வடிவம். அவனை அன்பால் மட்டுமே வெல்ல முடியும்.