இந்த உடல்,பல தலைமுறைகளில் ஈட்டிய புண்ணியத்தினால் நீங்கள் பெற்ற, பிறப்பு,இறப்பு என்ற பவசாகரத்தைக் கடப்பதற்கான ஒரு படகே .ஸாகரத்தைக் கடப்பது என்றால், உடல் எனும் உறைவிடத்தின் உள் உறைபவனை உணர்வதாகும். இந்த '' தேஹத்தின்'' நோக்கமே உள்ளுறையும்,'' தேஹியை '' உணர்வது தான். எனவே, இந்த உடல் வலிமையாகவும்,திறன் படைத்ததாகவும் , புத்தி கூர்மையாகவும், மனம் விழிப்புடனும் இருக்கும் போதே, உள்ளுறையும் இறைவனைத் தேடுவதற்கான அனைத்து முயற்சிகளையும் மேற் கொள்ள வேண்டும். எனவே உங்கள் உடலை சீராகவும், வலிமை உள்ளதாகவும்,பிரச்னைகள் அற்றதாகவும் வைத்துக் கொள்ளுங்கள். எவ்வாறு ஒரு படகு, கடலைக் கடப்பதற்கு ஏற்றதாக இருக்க வேண்டுமோ, உங்கள் உடலும் கூட அதன் குறிக்கோளை அடைவதற்கு ஏற்றதாக இருக்க வேண்டும். நீங்கள் அதை கண்டிப்பாக ,நன்கு பராமரிக்க வேண்டும்.