ப்ரேமையை, மின் விளக்கின் ஒளிக்கு ஒப்பிடலாம். ப்ரேம தீபம் வெளிப் படுவதற்கு ஒரு மின் விளக்கு தேவை;அதுவே சாந்தி.இந்த மின் விளக்கை இணைக்கும் மின்கம்பியே தர்மம். இதில் பாயும் மின் சக்தியே சத்யம்.இவ்வாறு ப்ரேமதீபம் எல்லா மனிதப் பண்புகளையும் பயன்படுத்தி,பிரகாசித்து,தனது ஒளியை அனைத்தின் மீதும் பொழிகிறது. தனிப்பட்ட பண்புகளாக அல்லாது, சத்யம்,தர்மம்,சாந்தி,ப்ரேமை என்ற நான்கும் இணைந்து, முழுமையான ஒரே மனிதப் பண்பினை அமைக்கின்றன.இந்த நான்கு பண்புகளையும் சரி சமமாகக் கடைப் பிடிக்க வேண்டும். ப்ரேமை, நமது அலுவலக வாழ்க்கையிலும் கூட தானாகவே வெளிப்பட வேண்டும். நீங்கள் பணியாற்றும் இடத்தில் உள்ள அனைவரும் - மேலாளர்கள்,பணியாளர்கள், மேலும் மற்றவர்கள் - ஒரே குடும்பத்தின் அங்கத்தினர்கள் என்ற உணர்வை வளர்த்துக் கொள்ளுங்கள். அனைவர் மீதும் சகோதரத்துவ மனப்பாங்கை வளர்த்துக் கொள்ளுங்கள். பரஸ்பர ப்ரேமை மற்றும் மரியாதையின் மூலம் ஒருவரது தொழிலிலும் கூட, நல்லிணக்கத்தைப் பெற முடியும்.