நீங்கள் நாட்பொழுதில் சிலவற்றைப் பார்க்கிறீர்கள்,கேட்கிறீர்கள். ஆனால், நீங்கள் படுக்கைக்குச் சென்று உறங்கும் போது,உங்களுக்கு அவையெல்லாம் தெரிவதில்லை: இப்போது, விழித்திருக்கும் காலத்தில் நீங்கள் பார்த்ததைப் போன்ற , நிஜமாகவும், தெளிவாகவும், முக்கியமானதாகவும் தோன்றும் சில சம்பவங்களைக் கண்டு அனுபவிக்கிறீர்கள். ஆழ்ந்த உறக்கத்தில்,ஒருவேளை அந்தராத்மாவான உங்களைத் தவிர, வேறு எதுவும் இருப்பதில்லை. கனவின் போது,அது நிஜமாகத் தோன்றுகிறது; விழித்திருக்கும் போது ,அந்த அனுபவம் ,கனவில் உள்ளதைப் போலவே நிஜமாகத் தோன்றுகிறது. உண்மையில்,இவை அனைத்துமே,ஆத்மா மனதில் பிரதிபலிக்கும்போது, மனதால் உருவாக்கப் பட்ட கனவுகளே. மனதை எடுத்து விடுங்கள்; பின்னர் ஆத்மா பிரதிபலிப்பதற்கு என்று எதுவுமே இருக்காது. பின்னர் ஆத்மா தனக்கே உரித்தான ஒளியுடன் மிளிரும். ஞானம் என்பது கனவு நிலையிலிருந்து, விழிப்பு நிலைக்குச் சென்று, கனவனைத்தும் உண்மையல்ல என உணருவதுதான். உங்களுள் உள்ள ஆனந்த ஊற்றை நாடுங்கள். பின்னர் சந்தோஷம் இன்றும் என்றும் உங்களுக்கே உரித்தானதாகி விடும். உங்களது உண்மை நிலையான தெய்வீகத்திலிருந்து பெறப்பட்டதே,உங்களுள் உள்ள ஆனந்தம் என்பதை நம்புங்கள்.