வெட்டிப் பேச்சுக்களில் ஈடுபடாமல்,இறைவனைப் போற்றி,அவன் வழி நடந்து, அவனைப் வழிபடுங்கள். அற்பமான,வீணான மற்றும் வலுவற்றவர்களைத் தாழ்ந்து புகழ்வதில் அல்லாது, உங்களுக்குக் கொடுக்கப் பட்டுள்ள வருடங்களை இறை தியானத்திலும், அவனைப் போற்றி வழிபடுவதிலும் செலவிடுங்கள். வாழ்க்கை என்பது ஒவ்வொருவருக்கும் வெறும் உண்டு,களிப்பதற்காக அன்றி, உன்னதமான,மாபெரும் ஒன்றை சாதிப்பதற்காகக் கொடுக்கப் பட்டுள்ள ஒரு அரிய வாய்ப்பாகும் ; தன்னையே வென்று, பரமாத்மாவில் ஐக்கியம் ஆவதற்காகவே அது. கட்டுப்பாடு உள்ளிருந்து வர வேண்டுமே அன்றி, வெளியிலிருந்து அல்ல: மனிதர்கள், எவர் மீதாவது உள்ள பயத்தின் மூலமாகவோ அல்லது தாற்காலிகமான லாபத்திற்கான ஆசையினாலோ அன்றி, தங்களை, தமக்கே உரித்தான இயல்பான திறன் மூலம் கட்டுப் படுத்திக் கொள்ள வேண்டும். சுயக் கட்டுப்பாடு என்பது சுய நம்பிக்கை,சுய அறிவு மற்றும் சுய முன்னேற்றத்தை மேம்படுத்துகிறது.