ஒரு சில சிறிய கற்கள் அரிசியுடன் கலந்து, பற்களுக்கு இடையில் மாட்டிக் கொண்டு விட்டால், தட்டில் இருக்கும் சாதம் அனைத்தும் வெறும் கல்லே என வெறுத்துப் புலம்புகிறோம். ஒரு தாக்கத்தை ஏற்படுத்துவதற்காக, ஒரு விஷயத்தை மிகைப் படுத்திக் கூறுவது மனித இயல்பு. பொதுவாக மனிதர்கள் சந்தோஷத்தை தற்செயலான , முக்கியத்துவமற்ற ஒன்றாக எடுத்துக் கொண்டு,துன்பத்தையும்,துயரத்தையும் அதிகமாக நீட்டித்துப் பேசுகிறார்கள். பிரச்னைகளின் போது மனம் தளராதீர்கள். நஷ்டங்கள், பிரச்னைகள், ஏழ்மை மற்றும் துன்பங்களுக்கான அடிப்படைக் காரணம் தன்னம்பிக்கை மற்றும் உற்சாகமின்றி இருப்பதே. வலிமை மற்றும் தைரியத்தின் ரகசியம் உங்களுள்ளேயே இருக்கிறது. தன்னிச்சை,தியாகம் மற்றும் பற்றின்மை ஆகிய குணங்கள் பொருந்திய ஆன்றோர்களும், நம்நலம் விரும்புவோரும் நம்மிடையே கண்டிப்பாக இருக்கிறார்கள். திட நம்பிக்கை கொள்ளுங்கள்; மனம் தளரவோ, உங்கள் அல்லது இறைவன் மீது உள்ள நம்பிக்கையை இழக்கவோ செய்யாதீர்கள். உளமார்ந்த நம்பிக்கையுடன், இறைவன் மகிழும் வண்ணம் நடந்து ,பேசி,சிந்தித்து, அவனிடம் பரிபூரண சரணாகதி அடைந்து விடுங்கள். தூய்மையுடனும், எளிமையாகவும், நேர்மையாகவும் இருங்கள்; இறைவன் உங்களது வேதனைக் குரலுக்கு பதில் அளிப்பான்.