வாழ்க்கைத் தரத்தை உயர்த்த திட்டமிடுபவர்கள், இன்று வாழ்க்கை என்ற மரத்தின் கிளைகளுக்கும், இலைகளுக்கும், பூக்களுக்கும் தண்ணீர் ஊற்றிக் கொண்டு இருக்கிறார்கள். அதற்குப் பதிலாக மரத்தை வளப்பதற்கு ,நீங்கள் அதைப் பேணி, அதன் வேர்களில் நீர் ஊற்ற வேண்டும்.அதைப் போலவே, நல்வாழ்க்கை நடத்துவதற்கு, நீங்கள் வேர்களான நற்குணங்களைப் பேணி, நீர் ஊற்ற வேண்டும்; அப்போது தான் சிந்தை, சொல் மற்றும் செயல் என்ற நறுமண மலர்கள் மலர்ந்து , சேவை என்ற பழத்தையும், இனிய பழரசமான ஆனந்தத்தையும் அளிக்கும்.உணவு, உடை,உறைவிடம் ஆகியவற்றிற்குத் திட்டமிடுவது என்பது வெறும் வண்டியைப் பேணிக் காப்பது போன்றது. அதை இழுக்கும் மனம் என்னும் குதிரைக்காகவும் திட்டமிடுங்கள். உணவு, உடை, உறைவிடம் மற்றும் பிரபஞ்சத்தில் உள்ள அனைத்து பொருட்களையும், மனமானது, அஹங்காரத்தின் தளைகளிலிருந்து விடுபட்டு பரமாத்மாவுடன் கலக்கும் உயரிய நோக்கத்திற்காக பயன்படுத்த வேண்டும்.