பண்டையகாலத்தில் காணப்பட்ட, இன்றைக்கும் உண்மையாக இருக்கும் நிலைமை இதுதான் - பெரும்பாலான மனிதர்கள் தங்கள் குழந்தைப் பருவத்தை குறும்புகள் மட்டும் ஆட்ட பாட்டங்களிலும்,இளமைப் பருவத்தை,விளையாட்டு,கேளிக்கை மற்றும் பொழுது போக்குகளிலும், நடுவயதை பணத்தைக் குவிப்பதற்கானத் திட்டங்களிலும்,முதுமைப் பருவத்தை ,கரைந்து கொண்டிருக்கும் செல்வத்தின் மூலம் குலைந்து கொண்டிருக்கும் ஆரோக்கியத்தை மேம்படுத்திக் கொள்ளும் முயற்சிகளில் மருத்துவ மனைகளிலும் செலவிடுகின்றனர். பொருளீட்டிச் செலவிடுவதில் ஒருவர் தங்களது நேரத்தை கவலையிலும்,வேலையிலும் கழிக்கின்றார்.சந்தோஷத்தை அடையும் முயற்சிகளில் மனிதர்கள் மும்முரமாக ஈடுபடுகின்றனர்,ஆனால் அதில் வெற்றி என்பது குறைவான, தாற்காலிகமானதே. அனைத்து நோய்களுக்கான நிவாரணி, முழுமையான வெற்றி அளிக்கும் முயற்சி, புலன்களுக்கு அதிபதியான மனத்தைக் கட்டுப் படுத்துவது ஒன்றே. ஒவ்வொரு புலனுறுப்பும் உலகியலான பந்தத்தை ஏற்படுத்தும் சக்தியை செலவிடும் வாயிலாகும். புலன்களை வெளியே சென்று ,உலகப் பொருட்களில் பற்று வைக்குமாறு, மனமே தூண்டுகிறது. நல்லவை,கெட்டவை எனப் பிரித்துப் பார்க்கும் பகுத்தறிவான புத்திக்கு மனதை நீங்கள் அடி பணிய வையுங்கள். பின்னர் மனமானது தீங்கு விளைவிப்பதற்கு பதிலாக,உங்களுக்கு உதவி செய்யும்.