விலைமதிப்புள்ளவை, நகைகள்,பத்திரங்கள் மற்றும் அரிய உலோகங்களான வெள்ளி, தங்கம் போன்றவற்றைத் திருடர்களிடமிருந்து காப்பாற்ற, நீங்கள் வங்கிகளுக்குச் சென்று அவற்றைப் பாதுகாப்புப் பெட்டகங்களில் வைக்கிறீர்கள். இதனால்,உங்கள் மனக் கலக்கத்தை விடுத்து, கவலையின்றி உங்கள் இல்லங்களில் அமைதியாகத் தூங்க முடிகிறது. அதைப் போலவே, உங்களது ஆபரணங்களான புத்தி,சாமர்த்தியம் மற்றும் சேவை ஆற்றும் திறன் ஆகியவற்றை இறைவனிடம் ஒப்படைத்து விடுங்கள். எல்லாவற்றிற்கும் மேலாக நீங்கள் மிக அதிக மதிப்பு வைத்திருக்கும் உங்கள் அஹங்காரம்- அதையும் அவனது பாரமரிப்பில் விட்டு விடுங்கள். பின்னர் நீங்கள் ஆனந்தமாக இருக்கலாம். ஸ்ரீமத் பகவத் கீதையில் , பகவான் ஸ்ரீகிருஷ்ணர் அர்ஜூனனுக்கு அறிவுறுத்துகிறார் - '' மாமேகம் சரணம் வ்ரஜ '' - என்னிடம் மட்டுமே சரணாகதி அடைந்து விடு. பின்னர் அவர் உறுதி அளிக்கிறார் ,'' மா சுச: '' - நீ துயரப்படவே தேவை இல்லை .