இறைவனது கரங்களில் வெறும் கருவிகளாக இருக்கும் பிற மனிதரிடம் கூனிக் குறுகி வேண்டுவதை விட, உங்களது தேவைகளுக்காக இறைவனை அணுகுவது மேலானது. தனது ஆரவாரமற்ற வழியில், இறைவன் மனதை மாற்றி,அதை ஆன்மீக சாதனைகள் மற்றும் வெற்றிகரமான ஆன்மீக புனித யாத்திரையின் பக்கம் திருப்பி விடுவான். தனது குழந்தைகள் வழி தவறி, காட்டில் தவிப்பதை அவன் ஒரு போதும் அனுமதிக்க மாட்டான். எப்போது, நீங்கள் இறைவனை அணுகி அவனது உதவி மற்றும் வழிகாட்டுதலை நாடுகிறீர்களோ, அப்போதே உங்களைக் காத்துக் கொள்வதற்கான முதல்அடியை எடுத்து வைத்து விட்டீர்கள். பின்னர் அவனது ஸங்கல்பத்தை உங்களுடையதாக ஏற்றுக் கொள்ளத் தொடங்குகிறீர்கள்.இவ்வாறு உங்களுக்கு சாந்தி கிடைக்கிறது. இறைவன் உங்களைத் திருத்தி வடிவமைக்கவே, தன் பால் ஈர்க்கிறான். உடைந்து, கசியும், பழுதடைந்த ''மனித இயந்திரங்களை'' பழுது பார்க்கும் கொல்லன் போன்றவன் இறைவன். உடைந்த இதயங்கள், வலுவற்ற மனங்கள்,கலங்கிய புத்திகள், தளர்ந்த ஸங்கல்பங்கள் மற்றும் தேயும் நம்பிக்கைகள் ஆகியவற்றை சரி செய்வதில் திறன் படைத்தவன் அவன். தொழுகையில் வணங்கி,சேவை செய்வதில் ஆர்வம் கொண்ட கரங்களுடன் அவனிடம் வாருங்கள். பின் அவன் உங்கள் கைகளை தன் கருணைக் குவியல்களால் நிரப்புவான்.