'' தனம் '' என்ற வார்த்தைக்கு,ஒருவருக்குப் பிடித்தமான பொருள்,அதாவது மதிப்பிற்குரிய ஏதாவது சொத்து எனப் பொருள். அதன் அர்த்தம் வெறும் செல்வங்களோ, விலைமதிப்பற்ற உலோகங்களோ என்பது மட்டும் அல்ல.மனிதர்களின் மிக உயர்ந்த சொத்து ஆத்ம ஞானமாகும். அர்ஜூனன் இதைப் பெற்றிருந்தான்,எனவே தான் அவன் '' தனன்ஜயன்'' என அழைக்கப் பட்டான். யார் வேண்டுமானாலும் பணத்தையோ, செல்வங்களையோ ஈட்டலாம்; ஏன் கயவர்கள்,திருடர்கள் மற்றும் கொள்ளைக்காரர்கள் கூட பணத்தைக் குவிக்கிறார்கள்.தெய்வீக வங்கியில் சேமிக்கத் தகுதி உள்ள உண்மையான செல்வத்தை, ஒழுக்கம், பற்றின்மை,பணிவு மற்றும் புனிதத்துடன் இருக்க கடுமுயற்சி செய்பவர்களால் மட்டுமே ஈட்ட முடியும். இந்த சேமிப்பின் மதிப்பைக் குறைவாகக் கணக்கிடாதீர்கள்.உங்களது மேன்மையான சீரிய செயல்கள்,உங்களது தூய்மை, சக மனிதர்களிடம் நீங்கள் வெளிப்படுத்தும் சுயநலமற்ற அன்பு -இந்த விலைமதிப்பற்ற பொருட்களை இறைவனிடம் கொண்டு வாருங்கள்;அவன் அவற்றை உடனே உங்களது கணக்கில் சேமிப்பாக ஏற்றுக் கொள்வான்.