ஒரு மனிதன் பாம்புக் கடியினால் அவதிப்பட்டுக் கொண்டிருக்கும் போது, அவனுக்கு மிளகாயை மெல்லச் சொல்வார்கள்;அதாவது விஷம் அவரது உடலில் இருக்கும் வரை நோய் வாய்பட்டிருப்பவரால், காரச் சுவையை உணர முடியாது என்பதால். அதைப் போன்றே உலகியலான புலனின்பங்கள் என்ற விஷம் இருக்கும் வரை, பிரார்த்தனை, ஜபம், தியானம் -இவை அனைத்தும் வரண்ட, உற்சாகமற்ற சுவையுள்ளதாக இருக்கும். அனைத்திற்கும் மேலாக, புலன்களை, உங்களை கீழே இழுத்துச் செல்வதைத் தவிர்க்குமாறு நீங்கள் கட்டளை இடும்போது உங்களுக்குப் பணிய வேண்டும் என வலியுறுத்துங்கள். இல்லை எனில், நீங்கள் பிரேக் இல்லாத காரைப் போல் ஆகி விடுவீர்கள். புலன்கள் கட்டுப் பாட்டில் இருக்கும்போது, புத்தி தெளிவடைந்து, அதில் இந்தப் பிரபஞ்சம் அனைத்தும் வியாபித்திருக்கும் இறைவனின் மஹிமை பிரதிபலிக்கும். இதுவே புனித நூல்களின் போதனையாகும்.நிலையான நம்பிக்கை மட்டுமே நீங்கள் வெற்றி பெற உதவும். மெய்யுணர்வு உங்களுக்கு அளிக்கப் படும் வரை இதை உறுதியாக பற்றி இருங்கள்.