நீங்கள் கவனத்துடன் தேர்ந்தெடுத்த இறை நாம,ரூபத்தினை ,சிலர் தூஷித்தாலும் கூட, அவற்றை விடாமல் பற்றி இருப்பதில் உறுதியுடன் இருங்கள். நீங்கள் தேர்ந்தெடுத்துள்ள இறைவனை இறுகப் பற்றிக் கொண்டு உங்களை காப்பாற்றிக் கொள்ளுங்கள். அதே சமயம் பிறர் தேர்ந்தெடுத்துள்ள தெய்வங்களை ஆட்சேபிக்காதீர்கள். மற்றொருவரது நம்பிக்கையை குலைப்பது அல்லது உங்களது சொந்த நம்பிக்கையை குழப்பிக் கொள்வது என்ற இரண்டும் தவறே.நம்பிக்கை என்பது மெதுவாக வளரும் செடி போன்றது. அதன் வேர்கள் இதயத்தின் ஆழத்தில் ஊடுருவிச் செல்கின்றன. மௌனமே,நம்பிக்கையைக் காக்கும் மிகச் சிறந்த ஆன்மீக சாதனையாகும். எனவே, உங்களது ஆன்மீகப் பாதையின் முக்கியமான முதன் முதல் படியாக நீங்கள் இதைக் கடைப்பிடிக்க வேண்டும் என்று நான் வலியுறுத்துகின்றேன். இறைவனது பாதங்கள்,கண்கள் மற்றும் முகம் தாமரையுடன் ஒப்பிடப் படுகிறது; ஏனெனில் அவனும், தான் இருக்கும் சுற்றுச் சூழலால் பாதிக்கப் படாத தாமரை போன்றவன். நீங்களும் கூட எப்போதும் புன்னகையுடன் இருந்து, உங்களைச் சுற்றிலும் இருக்கும் அனைவருக்கும் ஆனந்தத்தை அளித்து, அவர்களது மனச் சுமைகளைக் குறைக்க வேண்டும்.