ஒருவர், தம்மை அற்பமான மற்றும் நிலையற்றவைகளில் மூழ்க அடித்துக் கொள்ளக் கூடாது என்பதற்கான எச்சரிக்கைகள், கண்டிப்புகள், அறிவுரைகள் மற்றும் வேண்டுகோள்கள் என பல செய்யப் பட்ட போதும், தங்களது புரிந்து கொள்ளும் தன்மையில் உள்ள குறைபாடுகளினால், மனிதர்கள் துயரத்தின் பால் இழுக்கப் படுகிறார்கள். இறைவனை தேவையற்ற அல்லது மூட நம்பிக்கை எனத் தள்ளி வைப்பதால், வெறுப்பு, பொறாமை, சண்டை மற்றும் சச்சரவுகள் இருந்து கொண்டே இருக்கின்றன. தூய்மையும், பாரபட்சமற்ற அன்பும் கொண்டு சத்தியத்தை நாடியவர்களின் எண்ணங்கள் மற்றும் அனுபவங்களின் பதிவுகளே புனித நூல்கள். அவற்றை நம்பினால் நீங்கள் மேம்பாடு அடைவீர்கள். அன்பே வெற்றியடைய வல்லது,பற்றின்மையே உங்களது உண்மையான செல்வம், ஒற்றுமையே சத்தியம் மற்றும் இறைவன் மட்டுமே உங்களது வாழ்க்கையின் குறிக்கோளாக இருக்க வேண்டும் என்ற கோட்பாடுகளை அவை தெளிவாக விளக்குகின்றன. எண்ணெய் விளக்கின் ஒளி மங்கும் போது எவ்வாறு திரியை சரி செய்வது அல்லது எண்ணெயை ஊற்றுவது எனச் செய்கிறோமோ, அதைப் போலவே அனைத்து மனிதரது சீரிய மற்றும் உயர்ந்த ,உத்வேகங்களைத் தூண்டிவிட வேண்டிய தருணம் வந்து விட்டது. அது மட்டுமே உங்களை அழிவிலிருந்து காப்பாற்ற வல்லது. உங்களைச் சுற்றி, நீங்களே பின்னிக் கொண்ட தளைகளிலிருந்து முக்தி அடைவதை நீங்கள் விரும்பியே ஆக வேண்டும்.