இறைவனிடம் செல்லும் போது,ஒரு இலை ( பத்ரம்), ஒரு பூ(புஷ்பம்), ,ஒரு பழம் (ஃபலம்), சிறிது நீர் ( தோயம்), என ஏதாவது ஒன்றை எடுத்துச் செல்ல வேண்டும் என ஸ்ரீமத் பகவத் கீதை பரிந்துரைக்கிறது; அதாவது பெரியவர்கள் மற்றும் ஆன்றோர்களின் முன்னிலையில் வெறும் கைகளுடன் செல்லக்கூடாது எனப் பொருள். ஆனால்,இறைவன் இதை எல்லாம் வேண்டுவதில்லை. நீங்கள் எதையாவது கோரும்போது,அதன் மதிப்பிற்குத் தகுந்த விலையைக் கொடுக்கத் தயாராக இருக்க வேண்டும். நீங்கள் தெய்வத்தை வேண்டினால், தெய்வீகமானவற்றை அர்ப்பணம் செய்யுங்கள். சத்தியம்,தர்மம்,சாந்தி மற்றும் ப்ரேமை ஆகியவையே தெய்வீகமானவை. இவற்றையோ அல்லது இவற்றில் ஒன்றையோ என்னிடம் கொண்டு வாருங்கள்; அதை நான் மகிழ்ச்சியுடன் ஏற்றுக் கொள்வேன். வெறும் வாடிவிடும் மலர்களையோ,அழுகி விடும் பழங்களையோ, உலர்ந்து விடும் இலைகளையோ, வற்றி விடும் நீரையோ இறைவனுக்கு அர்ப்பணிக்காதீர்கள்.