முதுமை மற்றும் அவசர காலங்களுக்காக,வங்கியில் பணத்தை சேமிக்கும் பழக்கத்தை , நீங்கள் வளர்த்துக் கொள்ள வேண்டிய அதே நேரத்தில், உண்மையிலேயே காப்பாற்றப் படுவதற்காக, ஆன்மீக வங்கியிலும் சேமிக்கும் பழக்கத்தையும் நீங்கள் தொடங்க வேண்டும். சத்யம், அன்பு மற்றும் தர்மமே, தெய்வீக வங்கியில் ஏற்றுக் கொள்ளப் படும் பணம் மற்றும் உலோகங்கள் ஆகும்.இந்த உலோகங்களின் தூய்மையோடு மிளிரும், அனைத்து வார்த்தைகள், உணர்வுகள், செயல்கள்,எண்ணங்கள் அனைத்தும் இந்த வங்கியில் மகிழ்ச்சியோடு சேமிப்புகளாக ஏற்றுக் கொள்ளப் படும். எனவே, உங்களது சேமிப்புக் கணக்குளை பல உலக வங்கிகளில் கவனத்துடன் வைத்துக் கொள்வதைப் போலவே, தெய்வீக வங்கியிலும் ஒரு கணக்கைத் திறந்து அதை வளர்ப்பதிலும் நீங்கள் கவனம் செலுத்த வேண்டும். உங்களுக்குப் பணத்தின் தேவை ஏற்படும் போது,நீங்கள் உங்கள் வங்கியை கடன் பெறுவதற்காக அணுகுகிறீர்கள். வங்கி உங்களுக்கு,உங்களது சேமிப்பைப் பொறுத்தே உதவி செய்யும்.அதைப் போலவே, உங்களது தெய்வீக வங்கியாளர், நீங்கள் அவரிடம் சத்யம்,அன்பு,தர்மம் மற்றும் சாந்தி என்ற செல்வத்தை சேமித்து வைத்திருந்தீர்களானால், துன்பம் மற்றும் துயரத்திலிருந்து உங்களை மிக விரைவாகக் காத்திடுவார்.