ஒரு மனிதனுடைய உண்மையான நிலை தெய்வீகமே. இந்த உள்ளார்ந்த இயல்பை குழந்தைகளிடம் காணலாம்; இந்த கால கட்டத்தில் ஒருவர் புலன்களின் இழுபறிகளால் பாதிக்கப் படாது இருக்கிறார்.எனவே, குழந்தை தனது உண்மை நிலையில் திளைத்து, ஆனந்தமாகவும்,சாந்தி மற்றும் அன்புடனும் இருக்கிறது. வளரும் போது, தார்மீகமான வாழ்க்கையை நடத்துவதற்கு, இந்த நிலையை ஸ்திரப்படுத்திக் கொள்ளுங்கள். அது உங்களது கடமை. உங்களது உண்மை நிலையைக் கண்டறிந்து, தெய்வீகமான சாந்தியுடன் வாழ்வதற்கு உலகை விடுத்து துறவறத்தை மேற்கொள்ள வேண்டிய அவசியமில்லை. பற்றின்மை என்பது நீங்களே, உங்களுக்காகப் பெற வேண்டிய இன்றிமையாத வரமாகும். இதை நீங்கள் காட்டில் எவ்வளவு சுலபமாக வளர்த்துக் கொள்ள முடியுமோ அவ்வாறே வீட்டிலேயும் செய்ய முடியும் ! மேலும் உங்கள் மனதை எப்போது சத்தியத்தில் நிலை கொள்ளச் செய்கிறீர்களோ, அப்போதே நீங்கள் இறைவனுக்குப் பிரியமானவர் ஆகி விடுகிறீர்கள்.