உங்களையே ஆயிரக்கணக்கில் வருத்திக் கொண்டு, சௌகரியங்களையும்,வசதிகளையும் விட்டுக் கொடுத்து, இதில் கொஞ்சம்,அதில் கொஞ்சமாக சேமித்து, குறைவாகச் செலவு செய்து, அதிகமாக பணம் ஈட்டி,நீங்கள் செல்வத்தைச் சேர்த்து வைத்துள்ளீர்கள். வங்கிகள் உங்களிடமிருந்து சேமிப்பைப் பெற்றுக் கொண்டு,அதைப் பாதுகாத்து, உங்களுக்குத் தேவையான போது அதனைப் பயன்படுத்த அனுமதிப்பதில் மகிழ்ச்சி அடைகின்றன. உங்களுக்கு இந்த உலகில் பிரச்சனை வரும்போது அந்தப் பணம் உதவும் என்று நீங்கள் நம்புகிறீர்கள். ஆனால்,எப்போது உங்கள் பணம் வளர்ந்து, வசீகரமாகிறதோ, உங்கள் சொந்த பந்தங்கள் அதற்காகச் சண்டை போட்டுக் கொண்டு உங்களுக்குக் கவலையையும் பயத்தையும் உண்டாக்குகின்றனர். வரிகள் அதன் அதிக பங்கை எடுத்துச் சென்று விடுகின்றன -திருடர்களும் ,கயவர்களும் அதில் ஒரு பங்கை பிடுங்கிச் செல்வதற்குக் காத்துக் கொண்டு இருக்கின்றனர். இந்த மூட்டை அனைத்தையும் விட்டு விட்டு,வெறும் கையுடன் நீங்கள் ஒரு நாள் போக வேண்டி வரும் என்பதை மறந்து விடாதீர்கள். உங்களது சேமிப்பு உங்களுடன் கூட வராதது மட்டுமல்ல, நீங்கள் போகும் இடத்தில் அது மதிக்கப்படவும் மாட்டாது. எனவே உங்களது ஆன்மீக சாதனைகளை வளர்த்துக் கொள்வதற்கான சரியான தருணம் இதுவே - அது மட்டுமே இம்மையிலும், மறுமையிலும் உங்களுக்கு சாந்தி ,சந்தோஷங்களைத் தர வல்லது.