எப்போது புலன்கள் இந்த சேவையிலிருந்து உங்களைப் பிரித்து இழுத்துச் செல்லுகின்றனவோ, அப்போது பிறருள் உறையும் இறைவனுக்கு நீங்கள் எவ்வாறு சேவை செய்ய முடியும்? எப்போது இந்த சேவையை ஆற்றத் தூண்டும் அன்பினை களங்கப் படுத்த , மனக் கிளர்ச்சிகள் உள்ளே எட்டிப் பார்க்கின்றனவோ, உங்களால் எவ்வாறு சேவை ஆற்ற முடியும்? உலகியலான சுவைகள், வாசனைகள், உருவங்கள், கீதங்கள் மேலும் மிருதுவானவைகள் ஆகியவற்றை நோக்கி,அவைகளின் போக்கில், புலன்களை விட்டு விடுவது என்பது அதல பாதாளத்தில் விழுவதற்கு ஒப்பானது. இந்த உலகின் தலைவனான இறைவன், ஆனந்தத்தை உலகில் பரப்பும் பணியில் ஈடுபட்டுள்ளான்; நீங்களும் இந்த சீரிய பணியாகிய ஆனந்தத்தைப் பரப்புவதில் ஈடுபட வேண்டும். புலன்களைக் கட்டுப் படுத்தி ,அவற்றின் நிலையை மேம்படச் செய்வது, இதற்கான மிகவும் முக்கியமான மேலும் இன்றியமையாத ஒன்றாகும்.