ஒவ்வொரு ஆத்மாவும், தனது தனிப்பட்ட நாம ,ரூபங்களை விடுத்து, ரூப நாமமற்ற பரப்பரம்மத்தில் ஐக்கியமாக வேண்டும் என விதிக்கப் பட்டுள்ளது. சிலர் தனிப்பட்ட ஆத்மா பிறப்பு, இறப்பு என்ற சூழலில் மாட்டிக் கொண்டிருப்பதால்,இப்படிப்பட்ட ஐக்கியத்தை ஒரு போதும் அடைய முடியாது என நம்புகின்றனர். இல்லவே இல்லை ! இப்பிறவி என்ற வாய்ப்பினைப் பயன்படுத்தி, தளைகளை உடைத்து, உங்களை பாவங்களிலிருந்து சுத்தப்படுத்திக் கொள்ள பாடுபட வேண்டும். இறைவனுடன் ஐக்கியம் என்ற ஒரே குறிக்கோளே பாடுபடத் தகுதியானது. வேதங்கள் அமைதி, திருப்தி மற்றும் ஆனந்தத்தை அடைவதற்கான படிகளை வகுத்துக் கொடுத்துள்ளன. கற்றறிந்த ஆன்றோர்கள் மூலம் அவற்றைத் தெரிந்து கொண்டு இந்த நற்குணங்களை அனுபவியுங்கள். உங்கள் இதயமெனும் தோட்டத்திலிருந்து காமம்,க்ரோதம்,மோஹம் மற்றும் மதம் போன்ற களைகளைப் பிடுங்கி எறிவதே ஆன்மீகப் பாதையின் மிகவும் முக்கியமான முதன்மையான படி என்பதை ஒரு போதும் மறக்காதீர்கள். நிலத்தை சுத்தப் படுத்தி, அதில் நறுமண மலர்களை நல்கும் தூய அன்பு என்ற செடிகளை நடுங்கள்; பின்னர் ஒழுக்க சீலம் எனும் இனிய பழங்கள் வெளிப்படும்.