கோபம் மற்றும் பிற எதிர்மறையான உணர்ச்சிகளைக் கட்டுப்படுத்துவது என்பது கடினமான மற்றும் மெதுவான செயல்பாடாகும்;இதற்கு பொறுமை, விடாமுயற்சி மற்றும் காலம் ஆகியவை தேவை. ஒருமுறை ஒரு மிகப் பெரிய மல்யுத்த வீரன் ஒரு வீதி வழியாக தனது உடல் வலிமை மற்றும் தனது எதிரிகளின் மீது பெற்ற வெற்றிகளைப் பற்றிய பெருமையுடன் கர்வமாக நடந்து சென்று கொண்டிருந்தான்.அவன் கடந்து செல்லும் போது,ஒரு வெகுளியான நடுத்தர வயது பெண்மணி அவனது நிலையையைக் கண்டு சிரித்து விட்டாள். இதைக் கண்ட அந்த மல்யுத்த வீரன் கோபத்தில் தனது பற்களைக் கடித்துக் கொண்டு,அவள் மீது பாய இருந்தான். அந்தப் பெண்மணி,'' ஒரு பெண்ணின் சிரிப்பைக் கூட எளிதாக எடுத்துக் கொள்ள முடியாத நீ,உன்னை எப்படி ஒரு பலசாலி எனக் கருத முடியும் ?'' எனக் கேட்டாள். ஒரு விநாடியில், தனது தவறை உணர்ந்த அந்த மல்யுத்த வீரன் வெட்கத்தால் தலை குனிந்தான். பொறுமையே மிகச் சிறந்த ஆன்மீக சாதனையாகும். பொறுமை மற்றும் சகிப்புத் தன்மையைக் கடைப் பிடியுங்கள்- இதுவே வேதங்களின் மிகச் சிறந்த மற்றும் தலையாய போதனையாகும்.