ஒரு முறை ஒரு வியாபாரி,ஒரு மாலுமியை அவரது தந்தையும்,தாத்தாவும் எவ்வாறு இறந்தார்கள் என்று கேட்டார். அந்த இருவருமே கடலில் தான் இறந்தார்கள் எனத் தெரிய வந்தது. எனவே அந்த வியாபாரி,மாலுமியிடன் அவருக்குக் கடலில் பயணம் செய்வதைக் கண்டால் பயமாக இல்லையா எனக் கேட்டார். அந்த மாலுமி பின்னர்,அந்த வியாபாரியிடம் அவரது முன்னோர்கள் எவ்வாறு இறந்தார்கள் எனக் கேட்டார். அவர்கள் அனைவருமே படுக்கையில் தான் இறந்தார்கள் எனக் கூறப் பட்டது. இப்போது அந்த மாலுமி,அந்த வியாபாரியிடம், படுக்கச் செல்வது அவருக்கு பயமாக இல்லையா எனக் கேட்டார் ! ஒவ்வொருவரது வாழ்க்கையும் எங்கோ,எப்பொழுதோ முடிந்துதான் ஆக வேண்டும்; ஆனால் ஞானம் உள்ளோர் மட்டுமே இறப்புக்கு முன் தெய்வீகக் காட்சியைப் பெறுகிறார்கள். உங்களுள் பக்தி எனும் குளிர்ந்த நீர் ஊற்று இருக்குமானால்,கவலை எனும் நெருப்பு உங்களுக்குத் தீமை செய்ய முடியாது. பின்னர் ஒவ்வொரு பெரும் துன்பத்தின் வருகையும் அவனது அருளின் சின்னமாக புதிய அர்த்தத்தை அளித்து, இறைவனது நோக்கத்திற்காக, உங்களை பதப்படுத்தப் பட்ட மரத்தைப்போல வலுவூட்டி, உறுதியானதாக்கி விடும். இறைவனது கரங்களில் ஒரு கருவி போல ஆகி விடுங்கள்; அவன் விரும்பும் எந்த நோக்கத்திற்காகவும் அவன் உங்களைப் பயன்படுத்தட்டும்.