கண்களுக்குப் புலப்படுவனவற்றின் மீது வைக்கும் அளவிற்கு அதிகமான பற்றுதலினால், ஒருவர் கண்களுக்குப் புலப்படாதவையின் ( பரப்ரம்மத்தின்) சாம்ராஜ்யத்திற்கு வேற்றுலக மனிதர் போல ஆகி விடுகிறார். கண்களுக்குப் புலப்படாத அதுவே, கண்களுக்குத் தெரியும் அனைத்திற்கும் ஆதாரம் என்பதைப் புரிந்து கொள்ளுங்கள். காண்பவைகளுக்கு ஸ்திரத்தன்மையையும், மதிப்பையும் அளிப்பது அதுவே. கண்களுக்குப் புலப்படாத அது ஒன்றே உண்மையானதும், ஏற்றுக் கொள்ளத் தக்கதும் ஆகும். பல நூற்றாண்டுகளாக, எண்ணற்ற முனிவர்கள் அளித்த எச்சரிக்கைகளுக்குப் பின்னரும், மனிதர்கள், காண்பவைகளுக்காக, கண்களுக்குப் புலப்படாததைக் கைவிட்டு விட்டார்கள். கண்களுக்குப் புலப்படாத அது ஒன்றே திருப்தியையும்,ஏற்றம்,இறக்கம் இரண்டையும் எதிர் கொள்வதற்கான தைரியத்தையும் அளிக்க வல்லது. அதைப் புறக்கணிப்பது அதிருப்தியையும்,துன்பத்தையுமே அளிக்கும். இதிலிருந்து மீள்வதற்கு பக்தியை வளர்த்துக் கொள்ளுங்கள்; உங்களது சுமையை இறைவனே ஏற்றுக் கொள்வதால்,நீங்கள் விடுதலை பெறுகிறீர்கள்.